የጄትሮ አመራር ማኔጅመንት ኢንስቲትዩት ለሲቄ ሠራተኞች ለዘላቂ ማህበራዊ ኢንተርፕራይዞች እና የፋይናንስ ነፃነት ችሎታ እንዲኖራቸዉ አደረገ::

የጄትሮ አመራር ማኔጅመንት ኢንስቲትዩት ከሲቄ የሴቶች ልማት ማህበር ጋር በመተባበር ለሲቄ ሰራተኞች ሲሰጥ የነበረው የስልጠና መርሃ ግብር ተጠናቀቀ።    

ነሐሴ 19 እና 23 በተቋሙ ዋና መ/ቤት “Mindset for Business Environment and Grant Seeking” በሚል ርዕስ ለሁለት ቀናት የፈጀው የፊት ለፊት ስልጠና ተጠናቋል።  የስልጠናው ዋና አላማ በአለም አቀፍ ለጋሾች የገንዘብ ድጋፍ ላይ ያለውን ጥገኝነት ለመቀነስ እና ድርጅታዊ ዘላቂነትን ለማረጋገጥ የሲቄ የሴቶች ልማት ማህበር ማህበራዊ ኢንተርፕራይዞችን በማቋቋም ድጋፍ ማድረግ ሲሆን። መርሀ ግብሩ ሽንፈትን ሳይፈራ በተለያዩ የንግድ እንቅስቃሴዎች በአንድ ጊዜ በመሰማራት ተጨማሪ እና ቀጣይነት ያለው ገቢ እንዴት መፍጠር እንደሚቻል ለማሳየት ያለመ ነው።   

በስልጠናው መክፈቻ ላይ የሲቄ ሴቶች ልማት ማህበር ዋና ስራ አስኪያጅ ወ/ሮ ዘርትሁን ተፈራ እንዲህ አይነት ስልጠና የሲቄ ሰራተኞች ወደ ላቀ ደረጃ እንደሚያሸጋግራቸው አፅንኦት ሰጥተዋል። በግልም በተቋምም ትልቅ ለውጥ እንደሚያመጣ ገልፀዉ ሁሉም ተሳታፊዎች በክፍለ-ጊዜው በንቃት እንዲሳተፉ አበረታትተዋል።